„Þetta lítur mjög vel út"

„Þetta lítur mjög vel út, við erum ákaflega ánægð með þessar fyrstu tölur,“ segir Rósa Guðbjartsdóttir, oddviti Sjálfstæðisflokksins í Hafnarfirði. Flokkurinn er með 36,5 prósent fylgi miðað við fyrstu tölur úr Hafnarfirði og fimm bæjarfulltrúa. Flokkurinn heldur sínum borgarfulltrúum og missir rúmt prósentustig af fylginu, en fleiri flokkar eru í framboði nú og hefur fylgi annarra flokka dreifst talsvert meira

„Sjálfstæðisflokkurinn er í fyrsta sinn orðinn langstærsti stjórnmálaflokkurinn í Hafnarfirði,“ segir Rósa og heldur áfram: „Það eru tíðindin í þessu. Við höfum fundið fyrir miklum stuðningi í vetur og þetta er bara birtingamynd þess.“

Rósa er kát og er ánægð með stöðuna, en bendir á að þetta séu bara fyrstu tölur. „Það er samt frábær stemning hjá okkur. Við erum að fagna í félagsheimilinu okkar í Norðurbakka og skemmtum okkur vel.“