Þegar Jónheiður Pálmey Halldórsdóttir fluttist búferlum fyrir skömmu var fjöldanum öllum af málverkum hent fyrir slysni. Í miðjum flutningunum gleymdist að sækja verkin og varð það að lokum til þess að leigusalinn ákvað að fara með þau á móttökustöð Sorpu í Kópavogi.
Þegar Jónheiður frétti af afdrifum verkanna brást hún skjótt við og hafði samband við Sorpu en þá reyndust verkin á bak og burt. „Þau hafa að öllum líkindum verið seld í Góða Hirðinum eða þá að einhver hafi nálgast þau í nytjagáminn áður en þau komust í sölu“ segir Jónheiður. Verkin hafa mikið tilfinningalegt gildi og óskar Jónheiður eftir aðstoð við að hafa uppi á þeim.
Eitt verkanna er stærðarinnar mynd í ramma, ríflega metri að breidd, af Mývatni eftir Jósep Kristjánsson sem var sérstaklega máluð fyrir fjölskyldu Jónhildar og biðlar hún til þeirra sem keypt hafa málverk frá Góða hirðinum í liðinni viku að hafa samband við sig enda er verkanna sárt saknað.
Málverk í misgripum
