Ísland mætir Wales í mars

Aron Einar Gunnarsson, landsliðsfyrirliði, verður á heimavelli þegar að Ísland mætir Wales í æfingaleik þann 5. mars næstkomandi.

Leikurinn fer fram á Cardiff City Stadium en Aron Einar er á mála hjá Cardiff sem leikur heimavelli sína þar.

Um alþjóðlegan leikdag er að ræða og því geta landsliðsþjálfararnir Lars Lagerbäck og Heimir Hallgrímsson valið sína sterkustu leikmenn í verkefnið.

Ísland leikur æfingaleik gegn Svíum í Abú Dabí síðar í mánuðinum en landsliðshópurinn fyrir þann leik var kynntur í morgun.

Ísland hefur unnið eina viðureign af sjö gegn Wales frá upphafi og einu sinni hafa liðin skilið jöfn.