Sveitarstjórinn með gítarinn á litlu jólunum á Hvolsvelli

„Já, það var skemmtileg  stund á Leikskólanum Örk á Hvolsvelli í morgun þegar efnt var til litlu jólanna, mikið fjör og  mikið gaman,“segir Ísólfur Gylfi Pálmason, sveitarstjóri Rangárþings eystra þegar hann var spurður út í litlu jól leikskólans í morgun,  sem mætti með gítarinn sinn á jólaballið í morgun.

„Jólasveinar heimsóttu börnin og ég og  Aðalheiður Margrét Gunnarsdóttir, tónlistarkennari sáum um undirleik og stjórnuðum söng, svona stund gefur manni mikið.“