Icelandair hættir sölu á „Apartheid-kokteil“

Icelandair hefur beðist afsökunar og hætt sölu á „Apartheid-kokteilnum“ svokallaða á hótelinu Reykjavík Marina eftir að Twitter-notandi vakti athygli á nafni drykksins. Nútíminn greindi fyrst frá málinu.

Fjölmargir notendur samskiptamiðilsins gagnrýndu Icelandair í kjölfar ábendingar Twitter-notandans Africa is a Country. Í svari Icelandair segir að félagið hafi haft samband við Marina-hótelið og beðið um að drykkurinn yrði tekinn úr sölu. Starfsmaður félagsins á Íslandi hafi einfaldlega ekki vitað um merkingu orðsins.

Apartheid eða „aðskilnaðarstefnan“ var við lýði í Suður-Afríku á árunum 1948 til 1994 og gekk út á að halda svörtu fólki og hvítu aðskildu í landinu.

The Apartheid cocktail, on sale at the Marina Hotel, Reykjavik (owner: @Icelandair) pic.twitter.com/IyrQkx60bU

— AFRICA IS A COUNTRY (@AfricasaCountry) December 19, 2014

@AfricasaCountry We apologize. Our Iceland-based team member was unaware of word's meaning. We have contacted the hotel to remove the drink

— Icelandair (@Icelandair) December 19, 2014