Björgunarsveitir til aðstoðar göngufólki

Göngukona fékk höfuðáverka eftir eftir fall á göngu yfir Fimmvörðuháls í dag. Hún var á ferð með eiginmanni sínum á milli Morinsheiðar og Kattarhryggjar og treysti hún sér ekki til að ganga lengra.

Samkvæmt tilkynningu frá Landsbjörgu gekk fararstjóri fram á hjónin og kallaði eftir aðstoð.

Björgunarsveitir frá Hellu, Hvolsvelli og undan Eyjafjöllum voru kallaður út og eru þær komnar á slysstað. Konun verður fylgt í Bása og þaðan verður hún flutt til aðhlynningar.

Áverkar konunnar eru ekki taldir alvarlegir og gert er ráð fyrir að ferðin niður taki um eina eða tvær klukkustundir.