Leitað að þýskum ferðamanni sem skilaði sér ekki í flug

Lögreglan á Suðurnesjum leitar að þýskum ferðamanni, sem átti bókað far úr landi í gærmorgun en skilaði sér ekki. Hann heitir Martin Werner Kohl, er fertugur, einn og áttatíu á hæð , ljós yfirlitum og grannur.

Þegar síðast sást ftil hanns í grennd við flugstöðina í gærmorgun var hann í svartri úlpu, með svarta húfu, í dökkbláum buxum með bakpoka og svarta ferðatösku í eftirdragi.

Maðurinn á við andleg veikindi að stríða, að sögn lögreglu, en er ekki hættulegur. Lögregla óskar eftir öllum vísbendingum um ferðir hans.