Byggðakvóti til 31 sveitarfélags

Sigurður Ingi Jóhannsson, sjávarútvegs- og landbúnaðarráðherra, hefur úthlutað 6.141 þorskígildistonna byggðakvóta fiskveiðiársins 2014/2015 til 31 sveitarfélags og í þeim fengu 48 byggðarlög úthlutun.

Í tilkynningu frá atvinnuvegamálaráðuneytinu byggir úthlutun byggðakvótans á upplýsingum frá Fiskistofu um samdrátt í botnfiskafla, botnfiskaflamarki og vinnslu botnfisks annars vegar og samdrætti í rækju- og skelvinnslu hins vegar frá fiskveiðiárinu 2004/2005 til fiskveiðiársins 2013/2014.

Hámarksúthlutun til byggðarlags er 300 þorskígildistonn og fá sex byggðarlög (Grundarfjörður, Flateyri, Skagaströnd, Ólafsfjörður, Árskógssandur og Vopnafjörður) það hámark. Lágmarksúthlutun er 15 þorskígildistonn, eigi byggðarlag á annað borð rétt til úthlutunar, og fá átta byggðarlög þá úthlutun.

Nánari upplýsingar um úthlutunina má sjá hér.