Iðnaðarráðherra með stokkbólgið hné

„Ég er frekar spæld yfir þessu öllu saman en ég er búin að vera í vandræðum með hnéð í nokkra mánuði. Þetta eru gömul íþróttameiðsl frá því að ég spilaði handbolta og fótbolta með Keflavík. Svo vaknaði ég bara stokkbólgin og með vökva í hnénu í morgun, öll í klessu“, segir Ragnheiður Elín Árnadóttir,  iðnaðar- og viðskiptaráðherra og ráðherra ferðamála í samtali við Vísi.

Ragnheiður Elín er nú á öðrum fæti heima hjá sér í Keflavík þar sem hún lætur fjölskylduna stjana við sig. „Það eina sem ég get gert núna er að láta vorkenna mér,“ segir Ragnheiður Elín hlæjandi en hún á að taka því rólega í nokkra daga þar til bólgan hefur minnkað.