Bayern orðið Þýskalandsmeistari

Þó svo það sé aðeins mars þá er tímabilinu lokið í Þýskalandi. Bayern München gerði sér lítið fyrir og tryggði sér Þýskalandsmeistaratitilinn í kvöld.

Bayern vann þá 1-3 útisigur á Hertha Berlin. Toni Kroos, Mario Götze og Franck Ribery skoruðu mörk meistaranna.

Bayern er með 23 stiga forskot á Borussia Dortmund og það bil getur Dortmund ekki brúað þó svo nóg sé eftir af tímabilinu.

Ótrúlegur árangur hjá mögnuðu liði og Spánverjinn Pep Guardiola orðinn meistari á sínu fyrsta ári með þýska liðið.