Sigga Lund: Viðbrögðin hafa verið ótrúleg

Í kvöld í Salnum Kópavogi er námskeiðið "Sjálfstraust óháð likamsþyngd. Líkamsvirðing - sjálfsvirðing; Frá átökum og öfgum yfir í vellíðan, virðingu og sátt" sem Sigga Lund fjölmiðlakona, Anna Sigurðardóttir sálfræðingur

Anna Sigurðardóttir Dale Carnegie þjálfari, Bryndís Einarsdóttir sálfræðingur

Heiðdís Sigurðardóttir sálfræðingur og Hólmfríður Guðmundsdóttir eigandi fataverslunarinnar Curvy standa fyrir.

Hvernig hafa viðbrögðin verið við myndbirtingunni og námskeiðinu? "Viðbrögðin hafa verið ótrúleg. Ég hef ekki lengur tölu á þeim bréfum sem ég hef fengið frá aðallega konum þó svo nokkrir menn hafi sent mér póst líka þar sem þær lýsa þakklæti fyrir framtakið og segja mér frá hvernig þeirra líf hefur verið og er rauði þráðurinn að þær segja mig lýsa sínu lífi þegar ég hef sagt frá minni reynslu af fangelsi aukakílóanna," svarar Sigga.

"Undirbúningurinn að verkefninu hefur verið æðislegur. Það er bara heiður að hafa fengið að vinna með öllum þessum frábæru konum sem kunna fag sitt svo vel. Ég er svakalega spennt að heyra í þeim í kvöld. Það verður engin svikin.

"Ég finn samt fyrst og fremst fyrir þakklæti og hvatningu frá öllum það er ótrúlegt. Það er greinilegt að það er mikil þörf að á að opna þessa umræðu enn frekar. Það eru allt of margir sem lifa í þessu stanslausa niðurbroti í lífi sínu. Það er komin tími til að leggja það að baki, finna sáttina og fara að lifa og njóta. Það er alger must."

Hér getur þú skráð þig á námskeiðið - Midi.is.