Notar krem sem sléttir og mýkir

Sylvía Briem Friðjóns stjórnmálafræðinemi segir okkur hvað hún notar þegar kemur að snyrti- og húðvörum.

"Ég nota Vichy normaderm dag- og næturkrem. Þetta eru krem sem koma í veg fyrir ójöfnur í húðinni, bólur ásamt því að taka bóluör. Rosalega fersk og næringarík krem. Ég er búin að nota þessi krem í einhvern tíma núna. Mér finnst húðin mín alveg ótrúlega slétt og mjúk. Gott að nota á sumrin og á veturna. Svo finnst mér ekki skemma hvað það er góð lykt af því."

"Farðinn sem ég nota er Infallible frá Loréal helst á í 24 tíma. Mér finnst koma skemmtileg rjómaáferð af þessum farða. Þekur vel og er frekar mött áferð. Svo er það líka með sólarvörn þar af leiðandi er það alveg tilvalið á sumrin og á veturnar til að verja húðina fyrir óhreinindum í loftinu."

"Það sem ég nota á varirnar er 6H glossinn frá Loréal. Ég gæti notað þennan gloss einan og sér og mér finnst ég ótrúlega fín. Hann helst lengi á gefur fína næringu. Ég set hann á mig pæli síðan ekkert meira í því af því hann er bara þarna alltaf jafn fínn og krúttlegur."

"Maskarinn sem ég nota heitir Colossal og er frá Maybelline. Mér finnst hann alveg ómissandi. Skyldueign þar sem hann gerir allt sem hver og ein vill. Hann lengir og þykkir, samt verða augnhárin alls ekki klesst. Svo getur maður sett aðra umferð af honum þá verða augnhárin þéttari og meiri. Ég set aðra umferð þegar ég fer eitthvað fínt. Þá er ég með dramatískari augu finnst það skemmtileg breyting."

"Ég hugsa alveg ótrúlega vel um húðina mína. Ég fer í sturtu skrúbba mig alla með góðum skrúbbi. Set á mig Baby oil frá Johnson Johnson. Finn alveg að húðin verður silkimjúk og endurnærð eftir sturtu."