Maskarinn algjör skyldueign

Katrín Fjeldsted innanhússhönnuður er stórglæsileg kona. Hún upplýsir okkur hvað hún notar þegar kemur að snyrti- og húðvörum.

Maybelline 24 Hour Super Stay

"Á veturna nota ég Maybelline farðann þar sem húð mín verður stundum þurr á þessum árstíma og þá nota ég hann eingöngu sem þarf, eins og til dæmis aðeins í kringum augu og nef."

Smith's Rosebud varasálvi

"Ég hef notað þennan varasalva í fjölda ára og gæti ekki lifað án hans í einn dag. Það vita það allir sem þekkja mig. Hann er langbestur og hef ég prófað endalaust magn af varasölvum í gegnum árin. Svo er hann líka frábær á þurrkubletti hvort sem það sé á þig eða barnið þitt. Hann er einnig hægt að nota í smokey augnförðun til að fá smá glans."

Diorshow Black Out Mascara

"Það þarf vart að segja neitt um þennan maskara nema eitt og það er að hann er algjör skyldueign þar sem hann gerir allt sem hver og ein vill. Það fer bara eftir hversu dramatísk þú vilt hafa augnhárin. Því fleiri lög af maskaranum - því dramatískari verða þau."

White Musk olían frá Body Shop

"Ég er alveg gjörsamlega háð þessari olíu. Ég blanda nokkrum dropum af henni við nánast hvaða body lotion sem er og ilmurinn helst á allan daginn sem og allt kvöldið. Ég nota hana líka beint á húðina en oftar blanda ég hana. Svo er ég ekkert að nota neitt ilmvatn núna þar sem að ilmvatnið mitt sem ég notaði er hætt að framleiða. Það var frá Marc Jacobs en þetta virðist eitthvað elta mig því ilmvatnið sem ég notaði á undan því er einnig hætt að framleiða en það var frá Helmut Lang. Ég er líka mjög smámunasöm þegar kemur að ilmvatni og á oft erfitt með að finna eitthvað sem mér líkar og þess vegna finnst mér þessi olía henta mér mjög vel núna."