Vítin til vandræða

Róbert Örn Óskarsson, markvörður FH, var hetja sinna manna þegar hann varði víti Blikans Árna Vilhjálmssonar rétt fyrir leikslok í 1-0 sigri FH á Breiðabliki í Kópavogi. Róbert var einn af þremur markvörðum sem vörðu vítaspyrnu í 4. umferðinni en hinir voru Bjarni Þórður Halldórsson hjá Fylki og David Preece hjá Keflavík.

Nú er svo komið að fjórar síðustu vítaspyrnur hafa ekki skilað marki og vítanýtingin í fyrstu fjórum umferðunum er því aðeins 28,6 prósent.

Það er ekki nóg með að fimm vítaspyrnur hafi mislukkast heldur hafa þessir tveir leikmenn sem hafa náð að skora út víti í sumar, Kristinn Freyr Sigurðsson hjá Val og Jóhann Birnir Guðmundsson hjá Keflavík, báðir klikkað á víti.

Blikar hafa klikkað á báðum sínum vítum og hafa ekki skorað úr vítaspyrnu síðan 22. maí 2011. Finnur Orri Margeirsson klikkaði á eina víti liðsins í fyrra og það má giska á að þjálfarinn Ólafur Kristjánsson skipuleggi vítakeppnir á næstu æfingum.

Valur og Keflavík hafa líka fengið tvö víti og Fylkismenn fengu sitt fyrsta víti í síðasta leik. Hér fyrir neðan má sjá yfirlit yfir vítaspyrnur og nýtingu þeirra frá því að deildin innihélt fyrst tólf lið sumarið 2008.

Þar sést að vítaskytturnar hafa farið vel af stað undanfarin ár og sumarið í ár sker sig mikið úr. Ekki er þó hægt að alhæfa um allar vítaskyttur deildarinnar þrátt fyrir þessa slöku byrjun því aðeins fjögur af tólf liðum Pepsi-deildarinnar hafa fengið víti.

Nú er að sjá hvort hin átta liðin komi nú til bjargar og rífi nýtinguna eitthvað upp í næstu umferðum.

Vítin í umferðum 1 til 4 í Pepsi-deild karla 2013

1. umferð 06.5.2013

Fylkir-Valur

63. mín Kristinn Freyr Sigurðsson, Valur - mark

2. umferð 12.5.2013

ÍBV - Breiðablik

60. mín. Sverrir Ingi Ingason, Breiðabliki - stöng

3. umferð 16.5.2012

Víkingur Ó-Keflavík

69. mín. Jóhann Birnir Guðmundsson, Keflavík - mark

3. umferð 16.5.2012

Valur-Fram

83. mín. Kristinn Freyr Sigurðsson, Valur  - stöng

4. umferð 20.5.2012

Keflavík-Fylkir

43. mín. Viðar Örn Kjartansson, Fylki - varið

53. mín. Jóhann Birnir Guðmundsson, Keflavík - varið

4. umferð 21.5 2012

Breiðablik - FH

89. mín Árni Vilhjálmsson, Breiðabliki - varið

Það er hægt að sjá öll þessi sjö víti með því að smella hér fyrir ofan.