Aron spilar við Þýskaland | HM-drátturinn í heild sinni

Í dag var dregið í riðla fyrir HM í fótbolta sem fram fer næsta sumar í Brasilíu. Aron Jóhannsson og félagar í bandaríska landsliðinu lentu í gríðarlega erfiðum riðli.

Þeir spila meðal annars við Þýskaland sem verður skemmtilegt fyrir þjálfara Bandaríkjanna, Jürgen Klinsmann, en hann þjálfaði áður þýska landsliðið.

Króatía fær þann heiður að spila opnunarleik mótsins gegn Brasilíu. Það er svona til að strá salti í sár Íslendinga.

Áhugaverðasti riðillinn er að marga mati D-riðill þar sem England, Ítalía og Úrúgvæ spila ásamt Kosta Ríka.

Sviss datt aftur í lukkupottinn og er í frekar léttum riðli ásamt Frökkum.

Riðlarnir á HM:

A-riðill:

Brasilía

Kamerún

Mexíkó

Króatía

B-riðill:

Spánn

Síle

Ástralía

Holland

C-riðill:

Kólumbía

Fílabeinsströndin

Japan

Grikkland

D-riðill:

Úrúgvæ

Ítalía

Kosta Ríka

England

E-riðill:

Sviss

Ekvador

Hondúras

Frakkland

F-riðill:

Argentína

Nígería

Íran

Bosnía

G-riðill:

Þýskaland

Ghana

Bandaríkin

Portúgal

H-riðill:

Belgía

Alsír

Suður-Kórea

Rússland