Þó svo FH falli úr Evrópudeildinni í kvöld á liðið enn möguleika á því að komast í riðlakeppnina. Það er nefnilega búið að opna bakdyrnar.
Þar sem búið er að henda tyrkneska liðinu Fenerbahce úr keppni þá munu öll liðin sem falla úr leik í kvöld fara í pott.
Úr þessum potti verður dregið á föstudag. Það lið sem kemur upp úr hattinum mun síðan fá sæti í riðlakeppninni.
Það verður því gríðarlega spennandi lottó á föstudag og hver veit nema FH fái stóra vinninginn. Það verða 30 lið í pottinum.
