Níu leikmenn Stoke töpuðu stórt - úrslit dagsins í enska

Newcastle vann 5-1 stórsigur á Stoke í 18. umferð ensku úrvalsdeildinni og Aron Einar Gunnarsson og félagar í Cardiff City töpuðu 0-3 á heimavelli á móti Southampton.

Arsenal náði aftur toppsætinu eftir 3-1 endurkomusigur í Lundúnaslag á móti West Ham, Eden Hazard tryggði Chelsea sigur á Swansea og Everton tapaði á heimavelli á móti Sunderland. Þá vann Crystal Palace sinn þriðja sigur í fimm leikjum og Tony Pulis er heldur betur búinn að snúa við gengi liðsins.  

Oussama Assaidi kom Stoke yfir eftir hálftíma leik en svo fengu þeir Glenn Whelan og Marc Wilson rautt spjald með fjögurra mínútna millibili undir lok fyrri hálfleiksins. Loïc Remy jafnaði úr vítaspyrnu sem var dæmd fyrir seinna brotið og Newcastle-liðið skoraði síðan fjögur mörk á móti níu Stoke-mönnum í seinni hálfleiknum.

Aron Einar Gunnarsson var í byrjunarliði Cardiff City sem tapaði 0-3 á heimavelli á móti Southampton. Southampton komst í 3-0 eftir aðeins 27 mínútna leik en Jay Rodriguez skoraði tvö fyrstu mörkin.

Lukas Podolski kom inná sem varamaður þegar Arsenal var 1-0 undir á móti West Ham. Theo Walcott skoraði tvö fyrstu mörkin þar af það seinna eftir sendingu

Lukas Podolski sem skoraði síðan þriðja markið sjálfur.

Eden Hazard tryggði Chelsea 1-0 sigur á Swansea með marki sem skrifa má á Gerhard Tremmel, markvörð Swansea.

Vítaspyrna Ki Sung-Yueng tryggði Sunderland 1-0 útisigur á Everton en þetta var aðeins annað tap Everton á Goodison Park á árinu. Ki Sung-Yueng fiskaði vítið sjálfur auk þess að Tim Howard, markvörður Everton, fékk rautt spjald fyrir brotið.

Dwight Gayle skoraði sigurmark Crystal Palace á móti Aston Villa með flottu skoti í uppbótartíma en sigurinn var sanngjarn.



Úrslit og markaskorarar í ensku úrvalsdeildinni í dag:

Hull - Manchester United    2-3

1-0 James Chester (4.), 2-0 Sjálfsmark (13.), 2-1 Chris Smalling (20.), 2-2 Wayne Rooney (26.), 2-3 Sjálfsmark (66.)

Aston Villa - Crystal Palace    0-1

0-1 Dwight Gayle (90.+2)

Cardiff - Southampton    0-3

0-1 Jay Rodriguez (14.), 0-2 Jay Rodriguez (20.), 0-3 Rickie Lambert (27.)

Chelsea - Swansea    1-0

1-0 Eden Hazard (29.)

Everton - Sunderland    0-1

0-1 Sung-Yueng Ki, víti (25.)

Newcastle - Stoke    5-1

0-1 Oussama Assaidi (29.), 1-1 Loïc Remy (44.), 2-1 Yoan Gouffran (48.), 3-1 Loïc Remy (56.), 4-1 Yohan Cabaye (66.), 5-1 Papiss Cissé (80.)

Norwich - Fulham    1-2

1-0 Gary Hooper (13.), 1-1 Pajtim Kasami (33.), 1-2 Scott Parker (87.)

Tottenham - West Bromwich    1-1

1-0 Christian Eriksen (36.), 1-1 Jonas Olsson (38.)

West Ham - Arsenal    1-3

1-0 Carlton Cole (46.), 1-1 Theo Walcott (68.), 1-2 Theo Walcott (71.), 1-3 Lukas Podolski (79.)