Innlent

Slasaðir og veikir bangsar á Barnaspítala Hringsins

Elísabet Hall skrifar
Lýðheilsufélag læknanema stóð fyrir opna Bangsaspítalanum á Alþjóðlega bangsadeginum á Barnaspítala Hringsins í dag. Öll börn á aldrinum 3-6 ára voru boðin velkomin og veikir og slasaðir bangsar fóru í skoðun.  

Guðrún Katrín Oddsdóttir, formaður Lýðheilsufélags læknanema og yfirlæknir Bangsaspítalans sagði að með vinnu sinni væri verið að reyna að stuðla að jákvæðu viðhorfi barna og trausti gagnvart heilbrigðisstarfsfólki, heilbrigðisstofnunum og því starfi sem þar á sér stað. 

„Tilgangurinn er í rauninni tvíþættur. Við erum að reyna að fá börnin til þess að koma til okkar án þess að þurfa nokkurn tíma að vera hrædd. Þau eru alltaf í hlutverki foreldrisins og sama hvað er að bangsanum þá lenda þau aldrei í neinum sársauka. Þannig að þau fá að sjá hvernig við vinnum í áhorfendahlutverki. Þetta er líka mikil samskiptaæfing fyrir okkur læknanemana. Til þess að vera góður læknir þarf maður að geta talað við fólk og þetta er góð æfing.“

Bangsaspítalinn tekur á móti sunnlenskum böngsum á Selfossi í Heilbrigðisstofnun Suðurlands í næstu viku þann 2. nóvember kl. 18. 

Mest lesið


Fleiri fréttir

Sjá meira


×

Mest lesið