Íslenski boltinn

Óli Þórðar: Við erum lagðir í einelti

Stefán Árni Pálsson skrifar
Ólafur Þórðarson
Ólafur Þórðarson Mynd / Valli
Ólafur Þórðarson, þjálfari Víkings, í 1.deild karla í knattspyrnu vandaði ekki dómaranum kveðjurnar eftir leik Víkings og Hauka sem lauk 2-2 fyrr í dag.

Víkingur komst í 2-0 í leiknum en með tveimur mörkum undir lok leiksins náðu Haukar að jafna metin.

,,Það sjá það allir sem voru á vellinum að dómgæslan í leiknum var ekki hátt skrifuð. Þriðja leikinn í röð sem við lendum í þvílíkri dómgæslu. Ef ég myndi tala hreint út um það hvað mér finnst um þessa dómgæslu þá fengi ég líklega leikbann frá KSÍ," sagði Ólafur Þórðarson í samtalið við fotbolti.net eftir leikinn í dag.

,,Þetta gengur ekki lengur. Við erum gjörsamlega lagðir í einelti af dómarastéttinni. Þeir virðast allir ætla að hefna fyrir það sem gerðist á Leiknisvelli þegar einhver stjórnarmaður hjá Víking missir eitthvað útúr sér og þá á það að bitna á liðinu í næstu tíu umferðum. Þetta gengur ekki upp. KSÍ verður að fara skoða þessi mál hjá sér," sagði Ólafur.

Heimir Gunnlaugsson, varaformaður Víkings, lét ófögur orð falla út í dómara eftir leik Víkings og Leikni um daginn en baðst síðan afsökunar daginn eftir. Ólafur Þórðarson telur að verið sé að leggja sitt lið í einelti eftir þessi frægu ummæli.

Íslenski boltinn

Mest lesið


Fleiri fréttir

Sjá meira


×

Mest lesið