Jovetic ánægður með áhuga Arsenal og City

Stevan Jovetic frá Svartfjallalandi er opinn fyrir því að leika á Englandi í framtíðinni. Þessi 23 ára leikmaður er eftirsóttur af mögum liðinum en talið er að Arsenal og Manchester City fylgist náið með kappanum sem leikur með Fiorentina á Ítalíu.

Jovetic mun leika með Svartfjallalandi gegn Englandi í undankeppni HM næstkomandi þriðjudag og fær þá tækifæri til að heilla ensku liðin.

„Það er svo sannarlega jákvætt þegar lið eins og Arsenal og Manchester City hafa áhuga á þér. Enska deildin er líklega sú besta í heimi. Mér líður mjög vel á ítalíu en enska úrvalsdeildin er sú besta. Við sjáum hvað gerist í framtíðinni," segir Jovetic.