Russel Crowe spilar hjá X-977

stórleikarinn Russell Crowe kemur fram ásamt tónlistarmanninum Alan Thomas Doyle á stórglæsilegum Menningarnæturtónleikum X-977.

Tónleikarnir fara fram í portinu á bakvið Ellefuna (Hverfisgötu 18) en þar hefur stórglæsilegu sviði verið komið upp ásamt albesta hljóðkerfi sem völ var á.

Tónleikarnir eru öllum opnir og að sjálfsögðu er aðgangur ókeypis og ekkert aldurstakmark.

Ásamt Russell Crowe og Alan Thomas Doyle koma fram Ultra Mega Tehnobandið Stefán, Ásgeir Trausti, Smutty's 302, Agent Fresco og Kiriyama Family ásamt Geira Sæm. En Russell Crowe kemur fram strax á eftir Ásgeiri Trausta sem ætti að vera klukkan 20:30 í kvöld.

Vegna þess að Russell hefur bæst við flóru tónlistarmanna hefur dagskránni verið flýtt og hefjast tónleikarnir á slaginu 19:30.

Nánari upplýsingar má finna á Facebook síðu X977.