Fylgihlutir sem tekið er eftir

„Við opnuðum á Höfðatorgi fyrir rúmu ári en okkur fannst vanta svona verslun í flóruna. Við leggjum mikla áherslu á að velja litríkar og áberandi vörur en höfum auk þess gæði og fallega hönnun að leiðarljósi," segir Bryndís Björg Einarsdóttir sem rekur verslunina Kastaníu ásamt Ólínu Jóhönnu Gísladóttur.

Í versluninni eru merki frá Skandinavíu, Bandaríkjunum og Þýskalandi í bland við íslenska hönnun. „Við veljum það fallegasta frá hverju merki en tökum auk þess við ábendingum frá viðskiptavinum okkar," segir Bryndís.

Fylgihlutirnir í Kastaníu eru að mestu fyrir konur en þó er að finna gott úrval höfuðfata, úra og sólgleraugna fyrir karla. „Við erum með úr og sólgleraugu frá TRIWA sem eru fyrir bæði kyn. Úrvalið er fjölbreytt og tökum við inn nýjar línur tvisvar til þrisvar á ári. Þá erum við með silkiklúta úr hundrað prósent silki frá Plomo O Plata en líka silkiblöndur af ýmsu tagi. Eins erum við með mikið af töskum og buddum í alls kyns litum og má meðal annars nefna handsaumaðar leðurtöskur eftir breska hönnuðinn Monicu Boxley." Bryndís segir einnig talsvert um vörur eftir íslenska hönnuði í versluninni og nefnir skartgripi Hildar Hafstein, Made By3, Gling Gló og hálsmen frá Spunadís. Í versluninni er einnig að finna boli og barna- og dömuskó frá Ed Hardy og Christian Audigier.

Að sögn Bryndísar leggja þær Ólína áherslu á að hafa úrvalið í versluninni árstíðabundið. „Við erum að færa okkur yfir í sumarbúninginn núna en á veturna tökum við inn meira af fötum og yfirhöfnum. Við erum þó alltaf með silkiboli frá Margit Brandt og S,NOB. Í kringum jólin erum við svo með umtalsvert af gjafavöru."

Bryndís segir þær leggja áherslu á að velja fáa hluti af hverri tegund þannig að fólk geti gengið að því vísu að það sé að kaupa sér einstaka fylgihluti.

Smellið á myndina hér fyrir ofan til að fletta myndasafni af vörum í versluninni.

Kastanía er opin mánudaga til föstudaga frá 11 - 18 og laugardaga frá 12 - 16. Síminn er 577-5570.