Bætir rósum í hnappagatið

Ryan Seacrest sló fyrst í gegn sem kynnir í hinum ótrúlega langlífu þáttum American Idol. Í dag er hann orðinn einn vinsælasti fjölmiðlamaður heims. Hann virðist ekkert hafa í hyggju að glata þeirri stöðu á næstunni, því hinn 37 ára gamli fjölmiðlakóngur er nú kominn með sína eigin sjónvarpsstöð. Seacrest hefur í samstarfi við AEG og hæfileikaskrifstofuna CAA náð samningum við frumkvöðulinn Mark Cuban um breytingar á sjónvarpsstöð hans, Hdnet, sem er bandarísk gervihnattastöð. Breytt stöð mun fá nýtt nafn og heita AXS TV og mun Seacrest þar beina sjónum sínum að lífsstíl og skemmtun. - trs