McCarthy í handritaskrifum

Rithöfundurinn Cormac McCarthy ætti að vera flestum kunnur, en hann skrifaði skáldsögurnar á bak við myndirnar No Country for Old Men og The Road.

Hingað til hefur hann látið sérhæfða menn um kvikmyndaaðlögunina að bókum sínum en ákvað nú að láta reyna á eigin getu, McCarthy kom ritstjórum sínum á óvart með kvikmyndahandritinu þegar þeir voru að bíða eftir að fá nýju bókina hans, The Counsellor, í hendurnar.

Handritið hefur þegar verið selt, en framleiðendurnir Nick Wechsler, Steve Schwartz og Paula Mae Schwartz náðu að festa kaup á því áður en byrjað var að keppast um það. Sagan fjallar um virðulegan lögfræðing sem telur sig geta grætt á heimi fíkniefna án þess þó að dragast inn í hann. Sagan er sögð vera sú besta og truflaðasta sem rithöfundurinn hefur sent frá sér hingað til, og á sama tíma uppfull af húmor. - trs