Sparkað til góðs

Fræknar og frægar konur eltu bolta og sýndu lítt meistaralega takta á KR vellinum í dag en þar tókust á FC Ógn og hið svokallaða "celeb" lið íslenskra kvenna. Raunar var allt gert í góðgjörðarskyni og til að minna fólk á að lifa lífinu lifandi.

Það var FC Ógn sem skoraði á frægu konurnar - og baráttan hófst klukkan þrjú. Það var kalsaveður á KR vellinum en kvenfólkið hljóp og skoppaði í sig hita - og elti boltann með misjöfnun árangri.

En þótt allt væri þetta til gamans gert - þá var tilgangurinn að safna peningum til styrktar Rakel S. Magnúsdóttur, ungri konu sem hefur háð áralanga baráttu við krabbamein og farið í ótal meðferðir. Hún hefur fimm sinnum greinst með krabbamein.

Fyrir þá sem vilja leggja góðu málefni lið þá er eftirfarandi styrktarreikningur Rakelar: kt: 0805834949 - banki: 0101. Bók og reikningur: -05-262063.