Bíddu er þetta þinn rétti húðlitur Beyoncé?

Nýbökuð mamma, söngkonan Beyoncé, 30 ára, er áberandi hvít á hörund með ljósa hárkollu í efnislitlum fötum liggjandi á hlébarðamynstruðum sófa, eins og sjá má á meðfylgjandi myndum.

Um er að ræða auglýsingu fyrir fjórðu skífu Beyoncé en myndin var tekin áður en hún varð barnshafandi. Þetta er ekki í fyrsta sinn sem myndir af söngkonunni sýna húð hennar ljósari en hún er í raunveruleikanum.

Fullyrt hefur verið að faðir Beyoncé ráðlagði henni að bera á sig krem sem lýsa húðina þegar hún var yngri. Hér má greinilega sjá að tölvutæknin er notuð til að breyta húðlit söngkonunnar.