Bjartsýn líkt og Kani

Victoria Beckham segist vera bjartsýnismanneskja í eðli sínu og þess vegna líði henni vel í Bandaríkjunum. Beckham segist hafa verið spennt fyrir mögulegum flutningi fjölskyldunnar til Parísar, en á tímabili stóð til að David Beckham færi til Saint-Germain fótboltaliðsins. „Ég er bjartsýnismanneskja, þess vegna líður mér vel í Bandaríkjunum. Það hefði verið gaman að flytja til Parísar, sérstaklega vegna vinnu minnar í tísku, en við ákváðum að dvelja áfram í Los Angeles barnanna vegna. Þau eru okkur mikilvægust og þeim líður vel hér,“ sagði söngkonan fyrrverandi um fjölskyldulíf sitt og fótboltamannsins David Beckham.