Anthony Hopkins er yndislegur

Tökum lauk á kvikmyndinni Noah í leikstjórn Darrens Aronofsky í fyrrakvöld á Íslandi og var haldið heljarinnar lokapartí í gær.

Athonhy Hopkins fer með hlutverk Metúsalems, afa Nóa í myndinni, og hefur verið hér á landi undanfarið. Hann er mörgum kunnur sem mannætan Hannibal Lecter en virðist vera ljúfur sem lamb ef marka má hinn tólf ára Mími Bjarka Pálmason.

Hann er sonur leikarans Pálma Gestssonar og bróðir Maríu Birtu áhugaleikkonu og hefur leikið bakhlið sonar Nóa í tuttugu tökudaga. Hann á að hafa hringt í fjölskyldu sína af tökustað og sagt mannætuna frægu vera yndislega.