Tvö skot af vodka fyrir kynlífssenurnar

Leikkonan Keira Knightley leikur geðsjúkling sem þjáist af kynlífsfíkn í nýjustu mynd sinni A Dangerous Method en hlutverkið reyndist leikkonunni ungu ekki auðvelt. Hún þurfti ítrekað að innbyrða alkóhól áður en hún lék í kynlífssenum ásamt mótleikurum sínum í myndinni, Michael Fassbender og Viggo Mortensen.

„Við fengum okkur eitt til tvö skot af vodka fyrir tökur til að róa taugarnar," segir Knightley í viðtali við Daily Mail og bætir við að þegar tökunum lauk skáluðu þau í kampavíni til að fagna. Knightley er þessa dagana við tökur á myndinni Anna Karenina sem byggð er á samnefndri bók Leo Tolstoy.