Svíar fóru létt með Túnis | Bæði lið leika með Íslendingum í riðli

Svíar fóru lét með lið Túnis í A-riðli á Ólympíuleikunum í London í handknattleik en þeir unnu með 28 mörkum gegn 21.

Túnis er næsti mótherji Íslendinga á leikunum en þessi lið leika bæði með Íslandi í riðli. Ísland vann Argentínu fyrr í morgun nokkuð þægilega.

Staðan var 12-10 í hálfleik fyrir Svíum en í þeim síðari spýttu þeir gulu heldur betur í lófana og unnu að lokum öruggan sigur.

Dalibor Doder var frábær í liði Svía og gerði átta mörk en línumaðurinn Oussama Boughanmi var atkvæðamestur hjá Túnis með sex mörk.

Ísland mætir Túnis á þriðjudagsmorgun kl: 08:30.