Berlusconi í 4 ára fangelsi

Silvio Berlusconi, fyrrverandi forsætisráðherra Ítalíu, hefur verið dæmdur í fjögurra ára fangelsi fyrir skattalagabrot.

Silvio var ákærður ásamt tíu öðrum en brotin áttu sér stað á sex ára tímabili. Málið snerist um kaup á sýningarrétti á bandarískum kvikmyndum fyrir ítalskt sjónvarp.

Saksóknarar fóru fram á tæplega fjögurra ára fangelsi yfir Berlusconi. Einnig var farið fram á fangelsisdóm yfir Fedele Confalonieri, stjórnarformanni Mediaset fjölmiðlasamsteypunnar.

Þetta er ekki í fyrsta sinn sem Berlusconi er dreginn fyrir dómstóla vegna gruns um misjafna viðskiptahætti. Hingað til hefur málunum annað hvort verið vísað frá eða fallið frá kæru vegna réttarfarslega vankanta.