Hrafnhildur vinsæl

Fyrsta heimildarmynd sjónvarpskonunnar Ragnhildar Steinunnar Jónsdóttur, Hrafnhildur, hefur mælst vel fyrir hjá bíógestum og gagnrýnendum.

Í myndinni fylgir Ragnhildur Steinunn Hrafnhildi eftir í kynleiðréttingarferli hennar en hún fæddist sem strákurinn Halldór.

Bíógestir hafa tekið vel í myndina en yfir 1.500 manns hafa séð Hrafnhildi frá frumsýningu fyrir tveimur vikum. Það stefnir því allt í að Hrafnhildur verði vinsælasta heimildarmynd frá upphafi í Bíói Paradís en myndin verður sýnd þar fram á haust.

- áp