Stjarnan minnkaði forystu Þór/KA | Spenna á botninum

16. umferð Pepsi-deildar kvenna fór fram í kvöld og ljóst að það er spennandi barátta fram undan í lokaumferðum deildarinnar.

Stjarnan hafði betur gegn Aftureldingu í Mosfellsbænum, 2-0, og minnkaði þar með forystu Þór/KA á toppnum í fjögur stig en Akureyringar gerðu 1-1 jafntefli við ÍBV í Vestmannaeyjum.

Þór/KA er á toppnum með 39 stig og getur tryggt sér Íslandsmeistaratitilinn með sigri á Selfossi á heimavelli á þriðjudaginn næstkomandi.

KR komst nálægt því að vinna afar óvæntan sigur á Breiðabliki en leikurinn endaði með 1-1 jafntefli. KR er aðeins búið að vinna einn leik á tímabilinu og er með átta stig í neðsta sæti deildarinnar.

KR er fjórum stigum á eftir næstu liðum og því ljóst að liðið þarf helst að vinna báða leiki sína í lokaumferðunum tveimur til að bjarga sér frá falli.

Selfoss hefur nánast kvatt fallbaráttuna eftir góðan 3-2 sigur á Fylki í Árbænum í kvöld. Selfyssingar komust upp í sjötta sæti deildarinnar og eru nú með sextán stig.

FH kemur næst með fimmtán stig en liðið tapaði fyrir Val í kvöld, 4-1.

Afturelding og Fylkir eru svo í 8.-9. sæti með tólf stig hvort og því spennandi fallbaráttuslagur fram undan hjá liðunum.

Úrslit kvöldsins:

ÍBV - Þór/KA 1-1

1-0 Kristín Erna Sigurlásdóttir (36.)

1-1 Katrín Ásbjörnsdóttir (45.)

Fylkir - Selfoss 2-3

0-1 Eva Lind Elíasdóttir (21.)

0-2 Valorie O'Brien (41.)

0-3 Guðmunda Brynja Óladóttir (46.)

1-3 Anna Björg Björnsdóttir, víti (53.)

2-3 Anna Björg Björnsdóttir (70.)

FH - Valur 1-4

0-1 Telma Hjaltalín Þrastardóttir (33.)

0-2 Elín Metta Jensen (36.)

0-3 Elín Metta Jensen (40.)

0-3 Elín Metta Jensen (73.)

1-3 Sigrún Ella Einarsdóttir (89.)

Afturelding - Stjarnan 0-3

0-1 Sjálfsmark (17.)

0-2 Inga Birna Friðjónsdóttir (50.)

0-3 Inga Birna Friðjónsdóttir (87.)

Breiðablik - KR 1-1

0-1 Olga Kristina Hansen (41.)

1-1 Rakel Hönnudóttir (68.)

Úrslit að hluta fra úrslit.net