Margrét Edda Gnarr á leiðinni á heimsmeistaramót

"Ég fékk vinnu hjà söluveri Vodafone. Mun vinna við ùthringingar," segir Margrét Edda Gnarr dóttir borgarstjóra Reykjavíkur sem eyðir dágóðum tíma í æfingar þessa dagana samhliða nýja starfinu þar sem hún undirbýr sig fyrir hvorki meira né minna en þrjú fitness mót sem eru framundan á þessu ári. Heimsmeistaramót erlendis í haust og bikarmótið í Reykjavík sem fram fer í nóvember.

"Undirbúningur gengur rosalega vel. Ég er að lyfta sex sinnum í viku í Sporthúsinu og er á taekwondoæfingum þrisvar í viku í Combat Gym. Ég ætla að fjölga taekwondo æfingunum svo meir í vetur. Ég byrjaði í niðurskurði fyrir nokkrum dögum og það gengur líka rosalega vel," segir Margrét.

Mótin sem Margrét Edd ætlar að keppa:

6-8 október IFBB Heimsmeistaramót kvenna í fitness í Póllandi

12-14 október Arnold Classic Europe í Madríd

Nóvember Bikarmót í Reykjavík