Bretar búnir að vinna fyrsta gullið sitt á ÓL í London

Róðraparið Heather Stanning og Helen Glover unnu fyrstu gullverðlaun Breta á Ólympíuleikunum í London í morgun þegar þær tryggðu sér sigur í Parakeppni kvenna í róðri. Bretar voru búnir að finna tvö silfur og þrjú brons á fyrstu fjórum dögum leikanna.

Það var mikil fögnuðu í Bretlandi eftir að gullið var í höfn og það var ljóst að Bretar voru orðnir óþreyjufullir eftir fyrsta gulli sínu á leikunum.

Grein þeirra Heather Stanning og Helen Glover heitir Women's coxless pair upp á enska tungu sem er parakeppni kvenna án stýrimanns.

Heather Stanning og Helen Glover eru 26 og 27 ára gamlar og gerðu betur en á síðasta heimsmeistaramóti þar sem þær lentu í 2. sæti.

Stanning og Glover komu í mark á 7 mínútum, 27 sekúndum og 13 sekúndubrotum og voru meira en tvær sekúndur á undan áströlsku stelpunum Kate Hornsey og Sarah Tait. Juliette Haigh og Rebecca Scown frá Nýja-Sjálandi unnu bronsið.