Hart: Næ vonandi að standa undir væntingum

Enski landsliðsmarkvörðurinn Joe Hart fær sitt fyrsta tækifæri á stórmóti í sumar sem aðalmarkvörður enska landsliðsins. Hann var á bekknum á HM árið 2010.

Hart átti frábært ár á milli stanganna hjá Man. City í vetur og bíður spenntur eftir því að EM byrji.

"Ég hef tekið miklum framförum á síðustu tveim árum. Ég tel mig samt eiga heilmikið inni enn þá," sagði Hart en hann var ánægður að hafa farið með á HM fyrir tveim árum og kynnst stórmóti af eigin raun.

"Þetta verður allt öðruvísi núna og menn búast við miklu af mér. Vonandi næ ég að standa undir væntingum."