Innlent

Fólksbíll endaði á hvolfi í Laxá í Ásum

Kjartan Hreinn Njálsson skrifar
Fólksbíll valt ofan í Laxá í Ásum fyrir utan Blönduós í kvöld. Einn maður var í bílnum og sat hann fastur þangað til að vegfarandi kom honum til hjálpar.

Samkvæmt lögreglunni á Blönduósi var maðurinn hætt kominn enda endaði bíllinn á hvolfi í ánni. Slökkvilið var kallað til ásamt sjúkrabíl og var manninum bjargað úr bílnum.

Maðurinn var við meðvitund og var fluttur á Blönduós til læknisskoðunar.

Samkvæmt lögreglu voru akstursaðstæður góðar á staðnum. Engin hálka var á veginum en hann var þó blautur.

Mest lesið


Fleiri fréttir

Sjá meira


×

Mest lesið