Sneijder ætlar til Englands í sumar

Samkvæmt heimildum erlendra miðla þá hefur Hollendingurinn Wesley Sneijder ákveðið að færa sig um set í ensku úrvalsdeildina næsta sumar.

Sneijder ku hafa hafnað afar freistandi tilboði frá Zenit St. Petersburg því hann vill spila á Englandi næstu árin. Hann hefur lengi verið orðaður við Man. Utd. Chelsea hefur einnig mikinn áhuga á honum.

Hann er sagður vera efstur á óskalista Man. Utd ásamt Luka Modric, miðjumanni Tottenham.

Samkvæmt heimildum goal.com þá vildi Sneijder fara til Man. Utd síðasta sumar en ekki náðist samkomulag um sölu hans þá.