Undraefni sem þykkir hárið

„Efnið er úr náttúrulegum bómullar trefjum sem maður ber eða eiginlega saltar hárið með og þær hlaða sér utan á hárið og þykkja það allt að 80% og eru án allra óæskilegra gervi- og aukaefna," segir Baldur Rafn Gylfason hárgreiðslumaður spurður um hár-efnið sem allir eru að tala um þessa dagana.

„Svo er sett yfir sprey sem heitir Fix en það festir efnið og lokar það í hárinu og líka til að móta hárið. Þetta allt tekur sirka 15-60 sekúntur eða með öðrum orðum enda stund," segir hann.

„Efnið eða HairMakerinn setur maður í hárið í byrjun dags og þvær það úr síðar sama kvöld en margir sofa með efnið í hárinu og það er í fínu lagi. Þá er bara gott að kíkja í spegilinn morguninn eftir og athuga hvort allt sé í lagi en annars bæta bara smá yfir hárið áður en farið er út í daginn."

Himnasending fyrir marga

„Það kom kona til okkar sem er með ofboðslega fíngert og þunnt hár og HairMakerinn var eins og himnasending fyrir hana. Hún er búin að nota efnið í nokkrar vikur og hefur ekki fundið fyrir neinu ofnæmi eða óþægindum, sem er algjörlega frábært því hún hefur verið með ofnæmi fyrir öllu sem hún prufaði til að auka hárvöxtinn," útskýrir Baldur.

Ungir karlmenn í sjokki

„Það hafa komið til mín ungir karlmenn allt frá 18 ára og verið í sjokki hvað hægt er að gera og sérstaklega hvað þetta er auðvelt, það erfiðasta hjá mörgum við þetta er að koma inn og spyrja og fá upplýsingar. Þetta er ekkert feimnismál því til dæmis hjá körlum er arfgengt hárlos oft farið að koma fram fyrir 20-30 ára aldur og fjórir af hverjum tíu karlmönnum eru með skalla eða vandamál tengdu hárlosi."

„Nú 50% allra kvenna verður fyrir tímabundnu hárlosi einhvern tíman á ævinni þar sem orsakirnar geta verið ýmsar eins og veikindi, þungun, ættgengt hárlos, stress, sjálfsofnæmi og margt fleira. Þetta er líka algjör snilld fyrir þá sem eru bara með erfiða sveipi og það kemur alltaf einhver skipting aftan á hnakka og þá er bara að skella smá í hárið og málið klárt."

„Við erum búin að fá svo margar sögur frá fólki sem er að lýsa því að þetta breyti lífi þeirra, segir hann einlægur."

Danir kynna efnið fyrir Íslendingum

„Á morgun á sunnudaginn 5. febrúar verðum við á hárgreiðslustofunni Eplinu í Borgartúni 26 klukkan 11:00 – 13:00 og svo klukkan: 14:30 – 17:00 á hárgreiðslustofunni Kompaníinu Smáraturni í Kópavogi. Þar verðum við með opið hús fyrir alla! Konur og karla, fagfólk og ekki fagfólk.

Það verða með okkur tveir aðilar frá HairMaker í Danmörku sem geta svarað öllum spurningum, svo er þetta bara tilvalið að renna við og prófa og sjá undrin gerast, "segir Baldur.

Hairmaker á Facebook.