Ástarjátning Lopez á Twitter

Casper Smart, kærasti Jennifer Lopez er orðinn þreyttur á þeirri gagnrýni sem samband hans við stórstjörnuna hefur þurft að þola sökum mikils aldursmunar.

Smart, sem er 18 árum yngri en Lopez taldi sig því knúinn til að tjá ást sína á Tvitter og tjáði Lopez sig strax til baka. SÖNN ÁST, skrifaði Lopez með hástöfum.

Slúðurheimurinn vestan hafs fór nánast á hliðina við ástarjátningarnar enda hefur því ítrekað verið haldið fram að Lopez sé eingöngu að leika sér með unga dansaranum.

Meðfylgjandi má sjá myndir af Lopez með nýja kærastanum og Marc Anthony.