Fyrrum Kryddpían Geri Halliwell, 38 ára, sótti dóttur sína, Bluebell Madonnu, 5 ára, í skólann ómáluð í gallabuxum og strigaskóm með sólgleraugu á nefinu eins og sjá má á myndunum sem teknar voru af mæðgunum í London í gær.
Allir verða pínu bilaðir í a.m.k. 30 mínútur á mánuði, lét Geri, sem er stórglæsileg kona hvort sem hún er máluð eða ekki, hafa eftir sér.
Þá má einnig sjá kryddið spariklætt í pels með ónefndum félaga á hlaupum undan æstum ljósmyndurum.
