Walcott: Stærsti leikur tímabilsins

Theo Walcott segir að leikur Arsenal gegn Barcelona í Meistaradeild Evrópu annað kvöld verði stærsti leikur tímabilsins til þessa hjá sínum mönnum.

Arsenal og Barcelona mætast fyrri viðureign sinni í 16-liða úrslitunum á morgun en þau mættust einnig í keppninni í fyrra, þá í fjórðungsúrslitum, og höfðu Börsungar betur.

Walcott vill nota tækifærið núna til að hefna fyrir þær ófarir.

„Við hlökkum mikið til leiksins og þetta verður mikil barátta," sagði Walcott við enska fjölmiðla. „Þetta er einn þeirra leikja sem maður vill fá að spila og vonandi verða úrslitin öðruvísi en í fyrra."

„Ég tel að við getum gert betur en við gerðum á síðasta tímabili - enda getum við varla staðið okkur verr í fullri hreinskilni sagt."

„Þetta verður opinn leikur og sá stærsti til þessa á tímabilinu sem ég mun taka þátt í."