Boðnar 40 milljónir

Írsku rapptvíburunum Jedward hafa verið boðnar tæpar fjörutíu milljónir króna fyrir að koma fram í breska raunveruleikaþættinum I"m A Celebrity… Get Me Out Of Here! Samkvæmt götublaðinu The Sun fengu tvíburarnir boðið eftir að hafa lent í áttunda sæti í Eurovision-keppninni í Düsseldorf. Alls sáu 12,7 milljónir Breta þessar fyrrverandi X Factor-stjörnur flytja lagið Lipstick, sem telst mjög mikið þegar Eurovision er annars vegar. Samkvæmt The Sun hefur umboðsmaður Jedward farið fram á um tuttugu milljónir í viðbót ef þeir eiga að koma fram í þættinum. „Hvað sem ykkur finnst um tónlist Jedward þá er ekki um að villast að þeir kunna að skemmta fólki. Þrettán milljónir áhorfenda BBC geta ekki haft rangt fyrir sér."