Umboðsmaður: Jordan ögraði Gattuso

Claudio Pasqualin, umboðsmaður Gennaro Gattuso, segir að Joe Jordan hafi kallað skjólstæðing sinn ljótum nöfnum.

Hann segir að Jordan hafi kallað Gattuso „fucking Italian bastard" sem þarf ekki að þýða nánar hér.

„Jordan var sífellt að skjóta á hann og sagði svo þetta við hann," sagði Pasqualin.

„Rino (Gattuso) er stoltur Ítali og finnst þetta einkar ógeðfelld og óréttlætanleg móðgun."

En sama hvað Jordon á að hafa sagt breytir það ekki þeirri staðreynd að Gattuso skallaði Jordan eftir að leiknum lauk og á hann von á harðri refsingu fyrir það.

Gattuso hefur beðist afsökunar á hegðun sinni.