Bæjarfulltrúar sýknaðir - bæjarsjóður greiðir málskostnaðinn

Hæstiréttur Íslands staðfesti sýknudóm í máli Frjálsrar miðlunar gegn bæjarfulltrúum Kópavogsbæjar, Guðríði Arnardóttur, Ólafi Þór Gunnarssyni og Hafsteini Karlssyni.

Fyrirtækið, sem er í eigu dóttur og tengdasonar Birgis I. Gunnarssonar, fyrrverandi bæjarstjóra Kópavogs, sakaði bæjarfulltrúana um meiðyrði eftir að fyrirtækið varð verulega umdeilt, en harkalega var deilt á það af hálfu bæjarfulltrúanna þegar í ljós kom að Kópavogsbær gerði umsvifamikla verksamninga við fyrirtækið.

Málið tók hinsvegar óvænta stefnu í mars síðastliðnum þegar bæjarráð samþykkti að málskostnaður bæjarfulltrúanna yrði greiddur úr bæjarsjóði. Þá var sá fyrirvari settur að fulltrúarnir yrðu að greiða upphæðina til baka ef þeir töpuðu málinu fyrir hæstarétti.

Nú er ljóst að fulltrúarnir hafa sigrað. Hópur bæjarbúa réðu lögfræðing þegar málið kom upp og ætluðu að kæra málið. Frjáls miðlun var dæmd til þess að greiða þremenningunum rúma milljón samanlagt.