Sögulegt mark hjá Raul

Spænska markamaskínan Raul Gonzalez skráði nafn sitt enn eina ferðina í sögubækurnar í kvöld er hann skoraði jöfnunarmark Schalke gegn Valencia í Meistaradeildinni.

Þetta var 71. mark Raul í Evrópukeppnum en svo mörg mörk hefur enginn annar leikmaður skorað í leikjum UEFA.

Raul var jafn Filippo Inzaghi, framherja Milan, en er nú einn markahæstur.

Markið var þess utan mjög mikilvægt og setur Schalke í fína stöðu fyrir síðari leikinn.

Þetta var fyrsti leikur Raul á Spáni síðan hann fór frá Real Madrid.