Diego fékk hæstu sekt í sögu Wolfsburg

Þýska félagið Wolfsburg hefur sektað brasilíska framherjann Diego um 82 milljónir íslenskra króna fyrir að rjúka út af hóteli liðsins fyrir leik gegn Hoffenheim í síðasta mánuði. Upphæðin jafngildir mánaðarlaunum leikmannsins.

Þetta er langhæsta sekt sem nokkur leikmaður félagsins hefur fengið áður.

Diego fór af hótelinu og missti af leiknum sem Wolfsburg reyndar vann, 3-1. Ástæðan fyrir því að hann rauk út af hótelinu er víst sú að hann átti að byrja leikinn á bekknum.