Mannskæðar árásir í Bagdad

23 hafa látist í röð sprengjuárása í Bagdad í dag. Árásirnar beindust aðallega að byggingum og starfsmönnum lögreglunnar í borginni.

Þrettán fórust þegar árásamaður ók bíl sínum inn í anddyrri lögreglustöðvar í Alwiya hverfinu í Bagdad. Bílsprengjur felldu síðan fleiri víðsvegar um borgina.

Tíðar árásir andófsmanna í Írak benda til þess að öryggisveitir landsins séu ekki í stakk búnar til að annast öryggi borgara. Þetta er litið afar alvarlegum augum en áætlað er að síðustu hermenn Bandaríkjamanna yfirgefi Írak áður en árið er úti.