Fábregas: Ég var staðnaður hjá Arsenal og þurfti nýja áskorun

Cesc Fábregas sagði í viðtali við Sjónvarpsstöð Barcelona-liðsins að hann sé kominn til Barcelona til þess að bæta sig sem fótboltamann. Fábregas vann titil í sínum fyrsta leik með Barca og brosti út að eyrum eftir leikinn.

„Það hefði verið auðveldast fyrir mig að vera áfram hjá Arsenal. Ég var þar fyrirliðinn, spilaði alla leiki,liðið er alltaf í Meistaradeildinni og alltaf að keppa um alla titla," sagði Cesc Fábregas sem lék með Arsenal frá 2003 til 2011 og var fyrirliði þess frá 2008.

„Það ætti því ekki að vera slæmt fyrir mig sem fótboltamann að koma hingað þar sem er mjög hörð samkeppni um sæti í byrjunarliðinu. Ég var staðnaður hjá Arsenal, þurfti nýja áskorun og nýtt umhverfi. Ég þurfti sérstaka hvatningu til þess að ná því besta út úr sjálfum mér," sagði Fábregas.