Innlent

Aserbaídsjan vann - Íslendingar í 20. sæti

Jón Hákon Halldórsson skrifar
Vinir Sjonna fluttu framlag sitt af fagmennsku. Mynd/ Getty.
Vinir Sjonna fluttu framlag sitt af fagmennsku. Mynd/ Getty.
Íslendingar urðu í 20. sæti í Eurovision með lagið I´m coming home. Aserar unnu keppnina. Ítalar urðu í öðru sæti og Svíar lentu í því þriðja.

Íslendingar stóðu sig með miklum sóma í keppninni. Páll Óskar Hjálmtýsson, einn helsti sérfræðingur Íslendinga um keppnina, sagði í samtali við Vísi eftir að Vinir Sjonna fluttu framlag Íslands að flutningurinn hefði verið óaðfinnanlegur. „Öll músíkin í þeim, fagmennskan, húmorinn og kærleikurinn algjörlega skein í gegnum sjónvarpið," sagði Páll Óskar.

Hrafnhildur Halldórsdóttir, kynnir Ríkissjónvarpsins í keppninni, tilkynnti að Íslendingar hefðu verið fjórða efsta þjóðin í forkeppninni sem fór fram á þriðjudaginn.


Tengdar fréttir

Óaðfinnanleg frammistaða

Vinir Sjonna, íslensku strákarnir sem taka þátt í Eurovision fyrir Íslands hönd, luku rétt í þessu við að flytja framlag Íslands, I´m coming Home. „Þeir gerðu þetta óaðfinnanlega,“ sagði Hrafnhildur Halldórsdóttir, þulan sem lýsir keppninni þetta árið fyrir Ríkisútvarpið.

Vinir Sjonna í góðri stemningu fyrir lokakvöldið

Það hefur sjálfsagt ekki farið framhjá neinum að Íslendingar munu taka þátt í aðalkeppni Eurovision sem fram fer í Dusseldorf í kvöld. Benedikt Brynleifsson, betur þekktur sem Benni trommari, segir að stemningin fyrir lokakvöldinu sé góð.

Ekki ein feilnóta hjá íslensku strákunum

„Þetta er ótrúlega tvísýn keppni. Svona vil ég hafa Eurovision,“ segir Páll Óskar Hjálmtýrsson, söngvari og einn helsti Eurovision sérfræðingur okkar Íslendinga. „Þetta á að vera spennandi og gjörsamlega óútreiknanlegt og tvísýnt,“ bætir Páll Óskar við. Páll Óskar segist samt hafa tekið eftir því að ótrúlega margir keppendur hafi verið stressaðir og falskir í kvöld. „Sum lögin voru svo illa flutt að maður hreinlega hélt fyrir eyrun stundum,“ segir Páll Óskar. Þetta hafi til dæmis átt við um franska söngvarann.

Stóra stundin nálgast

Það styttist i stóru stundina hjá strákunum okkar, Vinum Sjonna, sem flytja framlag Íslands í Eurovision keppninni í kvöld. Keppnin hefst klukkan sjö og eru Íslendingar númer 21 í röðinni.

Spennufall hjá íslenska hópnum í Eurovison

"Þetta er ekkert smá spennufall að vera búinn að þessu,“ segir Benedikt Brynleifsson, eða Benni trommari, einn af Vinum Sjonna sem flutti lag Íslands í Eurovision í kvöld.

Vonar að Ísland verði meðal 10 efstu

Eyjólfur Kristjánsson, ein af mestu Eurovision hetjum Íslendinga, segist vona að Íslendingar nái að verða á meðal tíu efstu í Eurovision í kvöld .Hann gerir samt ekki ráð fyrir að strákarnir okkar, eins og vinir Sjonna eru núna kallaðir, muni vinna keppnina.

Mest lesið


Fleiri fréttir

Sjá meira


×

Mest lesið